Rukun Lhèe Blah

W

ahee ureng yang sembahyang tadengoe loen

Sembahyang angket limoeng watee padum rukon

Rukon teuma khen ‘ulama ahli fikhah

Watee limoeng bhan peukenoeng rukon lhèe blah

Niet pertama takbie dua lhèe berdiri

Teume keupet fatihah beat lam berdiri

Limoeng ruku’ nam i’tidal tujoeh sujud

Lapan teuma duk antara dua sujud

Yang kesikureng duk didalam tahyèd akhee

Teuma siploh tabeat tahyèd lam duk akhee

Yang kesiblah tameselaweut akan Nabi

Dua blah salem lhèe blah tertib wahee akhi

Rukun lhèblah gebagi lhèe wahe taulan

Yang phon hate dua babah kelhèe badan

Di hate saboh niat mehimpun lhèe perkara

Yang phon kasat dua ta’rat ta’yen tiga

Di babah limoeng phon takbie dua fatihah

Kelhèe tahyèd peat seulaweat salem sudah

Di badan tujoeh yang phon jidoeng dua ruku’

Lhè i’tidal ke peat sujud  hate khusyuk

Yang kelimoeng duk antara teuma yang nam

Duk didalam tahyèd akhe wahe taulan

Tujoeh tertib bak meatoe puebuet rukon

Misè tapubuet yang ke dua ohleh yang phon